Bakı. Trend:
Ötən ilin sonuna Azərbaycan Dövlət Neft Fondunun (ARDNF) istiqrazlara investisiyaları 42,583 milyard manat olub.
Trend bu barədə Fonddan məlumat əldə edib.
Məlumata görə, bu göstərici əvvəlki illə müqayisədə 7,4 milyard manat və ya 14,8% azdır. Belə ki, 2023-cü ilin sonuna bu məbləğ 49,983 milyard manat olmuşdu.
Qeyd edək ki, ARDNF neft və qazdan əldə edilən gəlirlərin toplanmasını, səmərəli idarə edilməsini və gələcək nəsillər üçün saxlanmasını təmin edən xüsusi qurumdur. Fond büdcədənkənar, ayrıca dövlət təsisatıdır.