Bakı. Trend:
İqtisadiyyat Nazirliyi yanında Əmlak Məsələləri Dövlət Xidməti tərəfindən aprelin 7-də keçirilən hərracda 21 nəqliyyat vasitəsi satılıb.
Trend bu barədə dövlət xidmətinə istinadən xəbər verir.
Qeyd edək ki, cari ay üzrə növbəti hərraclar 14, 21 və 28 aprel tarixlərində keçiriləcək. Ümumilikdə hərraclara 3 obyekt və 102 nəqliyyat vasitəsi çıxarılıb.
Daşınmaz əmlaklar Bakı, Sumqayıt və Şəki şəhərlərində yerləşir.
Hərraclarda iştirak etmək istəyənlər “www.emlak.gov.az” və “www.auksion.gov.az” internet saytlarından seçim edə bilərlər.