Bakı. Trend:
ABB beynəlxalq istiqraz cəlb etməyi nəzərdən keçirir.
Trend xəbər verir ki, bunu ABB-nin İdarə Heyətinin sədri Abbas İbrahimov bankın dayanıqlılıq hesabatına həsr olunmuş bugünkü mətbuat konfransında deyib.
"Bir sıra ölkədəki bank partnyorlarımıza bununla bağlı sorğular ünvanlamışıq. Bu banklar əsasən Körfəz ölkələrini əhatə edir", - o bildirib.
"Təklif olunan şərtlər maraqlarımıza uyğun olarsa, biz ilin sonuna doğru xarici-xüsusən də İngiltərə və yaxud İrlandiyadan, elecə də digər ölkələrdən qeydiyyatdan keçmiş istiqrazların buraxılışını həyata keçirəcəyik. Lakin bununla bağlı qərar cari ilin birinci yarısınadək veriləcək", - sədr əlavə edib.
