Azərbaycan, Bakı / Trend , müxbir U.İsmayılova/ Yanvar-sentyabr ayları ərzində Azərbaycanda müxtəlif istiqamət üzrə 562 müəssisə və təşkilatın fəaliyyəti dayandırılıb. Bu barədə Azərbaycan Dövlət Statistika Komitəsinin məlumatında bildirilir.
Məlumatda deyilir ki, ləğv olunan müəssisələrin 37 faizi kənd təsərrüfatı, 21,9 faizi topdan və pərakəndə satış, avtomobil təmiri və məişət malları obyektləri, 9,6 faiz tikinti müəssisələri, 8,2 faiz daşınmaz əmlakın alqı-satqısı və kirayəsi əməliyyatları ilə məşğul olan müəssisələr, 7,5 faiz kommunal xidməti, 4,6 faiz emal müəssisələrinin, 3,6 faiz isə dövlət idarəsi və mühafizəsinin payına düşür.
Hesabat dövründə 3863 yeni obyekt açılıb. Bunlardan 32,5 faizi topdan və pərakəndə satış, avtomobil təmiri və məişət malları obyektləri, 15,1 faiz tikinti, 12,6 faiz kənd təsərrüfatı müəssisələri, 10, 6 faiz daşınmaz əmlakın alqı-satqısı və kirayəsi əməliyyatları ilə məşğul olan müəssisələrin, 7,1 faizi isə, yenidən emal üzrə təşkilatların payına düşür.
