Azərbaycan, Bakı / Trend , müxbir U.İsmayılova/ Azərbaycan Maliyyə Nazirliyi (MN) fəaliyyəti sentyabrda dayandırılan ölkənin "Star Alyans" sığorta şirkətinin lisenziyasının fəaliyyətini bərpa edib. Bu barədə çərşənbə axşamı Azərbaycan Maliyə Nazirliyinin Dövlət Sığorta Nəzarəti şöbəsinin müdiri Namiq Xəlilov məlumat verib.
"Sərəncam müvafiq yoxlamalar aparıldıqdan sonra verilib. Yoxlamalar nəticəsində şirkətin əvvəllər MN tərəfindən aşkar olunan problemləri aradan qaldırdığı müəyyən olunub" - deyə Xəlilov bildirib.
Sentyabrda Azərbaycanın MN-i şəxsi kapitalı qnunvericilikdə tələb olunan nizamnamə kapitalının minimum həcmindən aşağı oluğu üçün "Gorgud Sigorta" və "Star Alliance" sığorta şirkətlərinin lisenziyasının fəaliyyətini dayandırıb.
Qanunvericiliyə müvafiq olaraq, 2007-ci ildə fəaliyyət göstərən sığorta şirkətlərinin nizamnamə kapitalı 700 min manat, yeni yaradılanların isə 1 mln. manatdan az olmamalıdır.
Azərbaycanın maliyyə nazirinin qərarı ilə dekabrın 14-dən "Gorgud Sigorta" şirkətinin sığorta fəaliyyətinin lisenziyası geri götürülüb. Bu qanunvericiliyin pozulması ilə əlaqədardır. Sentyabrda "Gorgud Sigorta"nın lisenziyasının fəaliyyətinin dayandırılmasına baxmayaraq, şirkət sığorta fəaliyyətini davam etdirib və müqavilə bağlayıb.
Əvvəllər Xəlilovun bildiridiyinə görə, "Gorgud Sigorta"nın lisenziyası yalnız məhkəmə vasitəsilə bərpa oluna bilər.
