Azərbaycan, Bakı, 25 fevral / " , müxbir U.İsmayılova/ Dünya Bankı (DB) Azərbaycanın Sosial Müdafiə Fondunun "Azərbaycanın pensiya sistemində islahatlar" layihəsinin müddətinin uzadılmasına dair təklifinə müsbət cavab verib. Bu barədə bazar ertəsi Fond rəhbəri Səlim Müslümov məlumat verib.
"DB-nın təkliflərində pensiya islahatları sahəsində gələcək əməkdaşlıq, kreditin istiqamətləndirilməsi və III komponentin - pensiya sisteminin yığım komponentinin tətbiq edilməsi öz əksini tapıb" - deyə Müslümov bildirib.
Ölkədə 2005-ci ildən Azərbaycan hökuməti və DB-nın "Pensiya islahatları və sosial təminat" adlı birgə layihəsi reallaşdırılır. Layihə 3 il üçün nəzərdə tutulub. Onun dəyəri 8 mln. dolardır. Bu məbləğin 5 mln. dolları DB, yerdə qalan 3 mln. dollar isə Azərbaycan hökuməti tərəfindən ayrılıb.
Müəlliflə əlaqə saxlamaq üçün elektron ünvan: capital