Azərbaycan, Bakı, 17 mart/ Trend , müxbir İ.Xəlilova/ Yanvar-fevral ərzində Azərbaycanda ÜDM ötən ilin analoji dövrü ilə müqayisədə 13,4 faiz artıb. Bu barədə bazar ertəsi Dövlət Statistika Komitəsindən məlumat veriblər. Yanvar-fevralın yekunları üzrə ÜDM-in göstəricisi cari qiymətlərlə 4 767 mln. manat təşkil edib. Əhalinin adambaşına düşən ÜDM həcmi 12,1 faiz artaraq 559,7 manat ($662,5) təşkil edib.
İqtisadiyyatın bütün sahələrində ümumi istehsal həcmi 14,8 faiz artaraq əsas hissəsinin - 63,5 faizin (3027,9 mln. manat) sənayenin payına düşdüyü ÜDM-in 71,7 faizini təşkil edib.
ÜMD-də xidmətlər sahəsinin xüsusi çəkisi 20,5 faiz təşkil edib. Məhsullar və idxaldan əldə edilən xalis vergi ÜDM-in 7,8 faizini təşkil edib.
Bu dövr ərzində kənd təsərrüfatı, ovçuluq və meşəçilik sektorunda əlavə dəyər 120,5 mln. manat təşkil edib. Bu isə ümumi ÜDM-in 2,5 faizini təşkil edir. Əlavə dəyər tikinti sektorunda - 270,9 mln. manat (5,7 faiz), nəqliyyat sektorunda - 208,7 mln. manat (4,4 faiz), rabitə sektorunda - 77,1 mln. manat (1,6 faiz), topdan və pərakəndə ticarətdə, avtomobil, məişət məmulatları və şəxsi istifadə predmetlərinin təmiri üzrə xidmət sahəsində - 295,4 mln. manat (6,2 faiz), restoran və mehmanxana sektorunda - 42,8 mln. manat (0,9 faiz), sosial və digər xidmətlərin göstərilməsində - 350,5 mln. manat (7,4 faiz) olub.
Məqalə müəllifinin ünvanı: [email protected]
