Azərbaycan, Bakı, 04 iyun/ Trend müxbir M.Quliyev/ Türkiyənin Azərbaycan iqtisadiyyatına yatırdığı sərmayələrin həcmi $5,6 mlrd. təşkil edir və beləliklə, Türkiyə ən iri xarici sərmayədardır. Bu barədə bu gün Naxçıvanda, Azərbaycan prezidenti İlham Əliyevlə danışıqların yekunları üzrə Türkiyənin Baş naziri Rəcəb Tayyib Ərdoğan jurnalistlərə bildirib.
Türkiyəli Baş nazir bir günlük işgüzar səfərlə Naçıvan Muxtar Respublikasındadır (NMR). O, günün birinci yarısında Azərbaycan prezidenti ilə təkbətək danışıqlar aparıb. Bundan əlavə, Əliyev və Ərdoğan NMR Ali Məclisinin binasında iki ölkə hökumət nümayəndə heyətlərinin danışıqlarına başçılıq ediblər.
Ərdoğan türk sərmayədarları üçün əlverişli şəraitin yaradılmasına görə Azərbaycan rəhbərliyinə minnətdarlığını bildirib.
İlham Əliyev yüksək səviyyədə danışıqların Azərbaycan və Türkiyə arasında yeganə təbii sərhəd olan Naxçıvanda keçirilməsini təsadüfi adlandırmayıb. Dövlət başçısı regionda ticarət münasibətlərinin genişləndirilməsinə diqqət ayrılmasının vacibliyini vurğulayıb. Əliyev bildirib ki, gələcəkdə sərhədyanı türk regionlarına Azərbaycandan qaz tədarükünün planlaşdırılır.
Azərbaycan prezidenti Azərbaycan və Türkiyənin diaspor təşkilatları arasında əməkdaşlığın vacibliyini qeyd edərək, yayda Bakıda türkdilli dövlətlərin növbəti sammitinin keçirilməsi planları haqqında məlumat verib.