Azərbaycan, Bakı, 29 avqust/ Trend Cap , müxbir İ.Xəlilova/ MikroInvest bank olmayan kredit təşkilatı "vahid pəncərə" sistemi üzrə Azərbaycanın Vergilər Nazirliyində dövlət qeydiyyatından keçib, - cümə günü nazirlikdən bildiriblər.
Yeganə təsisçi kimi Universal Holding MMC çıxış edir. Kredit təşkilatının Nizamnamə kapitalı 100 mantadır.
2008 - ci il iyulun 1-nə olan vəziyyətə görə, respublikada 96 BOKT fəaliyyət göstərir. Onlardan 77-si kredit birlikləri, 18-i beynəlxalq humanitar təşkilatların təsis etdiyi bank olmayan kredit təşkilatlarıdır.
Azərbaycan Milli Bankı onların fəaliyyətini tənzimləmək üçün "Bank olmayan kredit təşkilatları haqqında" Qanun layihəsi hazırlayıb. Layihə artıq Milli Məclisə təqdim edilib.
Qanun layihəsinə əsasən, BOKT əhalidən əmanətlər qəbul etmək hüququndan məhrum ediliblər və məhdud bank fəaliyyəti həyata keçirəcəklər. BOKT şəxsi kapitalları və ya maliyyə institutlarından cəlb edilən vəsaitlər hesabına kredit verə biləcəklər.
Sənəddə bu institutların iki növünün yaradılması nəzərdə tutulub - kommersiya və qeyri-kommersiya. Onların arasında müəyyən fərq var. Nəzərdə tutulub ki, ayrı -ayrı bank olmayan kredit institutları depozitlər cəlb edə biləcəklər (girov vəsaitləri). Bu vəsaitlər kredit institutlarından borc alanların girovlarıdır.
Yeni qanunvericiliyə əsasən, BOKT-un kapitalına tələblər də artırılacaq (hazırda 4 min manatdır), lakin bank sektoru üçün müəyyən edilən kapital həcmindən fərqli olacaq.
Avqustun 29-na olan cari məzənnə -- 0,8134 AZN/USD.
Müəlliflə əlaqə saxlamaq üçün elektron ünvan - cap
