Azərbaycan, Bakı, 01 sentyabr/ Trend , müxbir Ü.İsmayılova/ İyulda Bakının təkrar bazarında mənzilin orta qiyməti $135341 təşkil edib, - bazar ertəsi "Əmlak Bazarı İştirakçıları" İctimai Birliyindən bildiriblər. İyulda mənzilin bir kvadrat metrinin qiyməti, orta hesabla, $1604 olub ki, bu da iyun üzrə göstəricidən 1,4 faiz azdır ($1626).
İyulda Bakının təkrar mənzil bazarında təkliflər 6,3 faiz artıb. Ay ərzində bazara 7 mindən çox mənzil təklif edilib.
İyulda bir otağın orta qiyməti $55926, orta otaq göstəricisi - 2,42 (artım 0,8 faiz) olub.
İyulda təkrar bazar portfelinin böyük hissəsini və ya 20,6 faizini Nərimanov rayonundakı mənzillər təşkil edib.
Bazarın portfelində üçotaqlı mənzillərin payı 32,7 faiz, ikiotaqlı mənzillərin payı 38,7 faiz təşkil edib.
Müəlliflə əlaqə saxlamaq üçün elektron ünvan [email protected]
