Azərbaycan, Bakı, 03 sentyabr/ Trend Cap , müxbir İ.Xəlilova/ Məcburi Köçkünlərin İqtisadi İnkişafına Yardım Layihəsinin (İDP EDSP) realizəsinin icmalı üçün sentyabrın 15 - dən layihənin rəhbəri Coanna De Berenin başçılıq etdiyi Dünya Bankının (DB) missiyasının Bakıya səfəri başlayır. Birinci mərhələnin realizəsini 2008 - ci ilin sonunadək başa çatdırmaq planlaşdırılır və bank onun davam etdirilməsi üçün əlavə maliyyələşdirmə ayırıb.
Layihənin birinci fazasının dəyəri $12,6 mln. təşkil edir. Bunun $11,5 mln.-u DB-nin krediti hesabına ayrılıb. Təcrübənin əksinə olaraq, layihə üzrə vəsaitlər bir il əvvəl mənimsənilsə də, inflyasiya prosesləri ilə əlaqədar nəzərdə tutulan 200 infrastruktur mikrolayihələrindən 50-nin realizəsi başa çatmayıb. Bu səbəbdən, əlavə vəsaitlər istənilib. Layihənin başa çatması üçün ümumilikdə $24,19 mln. avro ayrılıb. Bu vəsaitlərdən 9,6 mln. SDR ($15 mln.) DB-nin, $8,69 mln. isə ($3,69 mln. ƏDV nəzərə alınmaqla) ölkə hökumətinin payına düşür.
Layihə çərivəsində, 108 min məcburu köçkün faydalanacaq. Azərbaycan tərəfinin xahişinə əsasən, bank mikrolayihələrin realizəsində icmaların payını 3 faizədək azaltmağa razı olub.
Yeni layihə üç ilə hesablanıb. Layihəyə iki komponent daxildir: məcburi köçkün icmalarının təklif etdikləri müxtəlif infrastrukturunun maliyyələşdirilməsi və layihənin realizəsinin dəstəklənməsi.
Dünya Bankı Azərbaycanda məcburi köçkünlərin dəstəklənməsi üçün ümumilikdə üç kredit ayırıb. DB, bu məqsədlər üçün $10 mln. məbləğdə birinci krediti 2001- ci ildə ayırıb. Bu vəsaitlər hesabına məcburi köçkünlərin sıx yaşadıqları ərazilərdə infrastrukturun bərpası üzrə 192 mikrolayihə maliyyələşdirib. Bu layihədən 170 min insan faydalanıb.
DB-nin missiyası 10 gün Bakıda olacaq.
Sentyabrın 3-nə olan cari mübadilə məzənnəsi -- 0,8145 AZN/USD.
Müəlliflə əlaqə saxlamaq üçün elektron ünvan [email protected]
