...

Gürcüstandakı münaqişə Bakı – Tbilisi – Qars layihəsinin realizə müddətinə təsir etməyəcək

Biznes və iqtisadiyyat xəbərləri Materials 16 Sentyabr 2008 18:25 (UTC +04:00)

Azərbaycan, Bakı, 16 sentyabr/ Trend , müxbir E.İsmayılov/ "Gürcüstandakı münaqişə Bakı - Tbilisi - Qars dəmir yolu layihəsinin realizəsini ən azı yarım ay yubadıb", - Gürcüstanda dəmir yolu sahəsinin tikintisi layihəsinin kontraktoru "Azərinşaatservis"in meneceri Savaş Yenituran çərşənbə axşamı bildirib.

"Avqustun 10 -11- də Azərbaycandan olan bütün işçilər geri çağırılsa da, ayın 24 - də yenidən oraya geri qayıtdıq və təşkilatı işlər apardıq, - Yenituran bildirib. - Buna baxmayaraq, işlər qrafikə uyğun - 2011- ci ildə başa çatdırılacaq".

Birinci mərhələdə Marabda - Tetro - Tskaro dəmir yolu sahəsində işlər aparılır. Axalkalakidə artıq yaşayış bloku tikilib və burada 150 nəfər yaşaya bilər. "İşlər gürcü tərəfdaşlarla birgə aparılır", - Yenituran bildirib.

Bu layihə üçün Azərbaycanda istehsal edilən relslər və şpalların bir hissəsi artıq hazırdır. Layihələr təsdiq olunduqdan sonra, onlar Gürcüstana göndəriləcək. Layihələndirmə ilə "Azərinşaatservis" MMC-nin tərkibinə daxil olan AkSa project şirkəti məşğuldur.

"Bakı-Tbilisi-Qars" layihəsi çərçivəsində, yeni 105 kilometrlik dəmir yolu magistralı qolunun tikintisi planlaşdırılır. Onun 76 kilometri Türkiyə, 29 kilometri Gürcüstan ərazisindən keçəcək. Bundan əlavə, Gürcüstanda buraxma gücünü ildə 15 ton yükə çatdırmaq üçün 183 kilometrlik Axalkalaki -Marabda -Tbilisi dəmir yolu sahəsi yenidən qurulacaq. Axalkalakidə qatarların Gürcüstanda mövcud olan relslərdən Avropa relslərinə keçməsi üçün məntəqə tikmək planlaşdırılır. Layihə $422 mln. , müvafiq infrastruktur nəzərə alınmaqla isə, $600 mln. qiymətləndirilir.

Müəlliflə əlaqə saxlamaq üçün elektron ünvan: cap

Xəbər lenti

Xəbər lenti