Azərbaycan, Bakı, 18 sentyabr/ Trend / Yanvar - avqust ərzində Azərbaycanda tikinti işlərinə 2115,3 mln. manat vəsait sərf edilib ki, bu da 2007- ci ilin müvafiq dövrünün göstəricisindən 55,1 faiz çoxdur, - Dövlət Statistika Komitəsi xəbər verir.
Tikinti işlərinin ümumi həcmindən 540,8 mln. manat dövlət, 1574,5 mln. manat özəl müəssisələrin payına düşüb.
Tikinti işlərinin ümumi həcmindən 1629,3 mln. manat (77 faiz) yeni tikililərin, onların bərpası və genişləndirilməsinin; 285,9 mln. manat (13,8 faiz) - əsaslı təmir; 90 mln. manat (4,3 faiz) - cari təmir; 110,1 mln. manat (5,2 faiz) - digər tikinti işlərinin payına düşür.