Azərbaycan, Bakı, 13 mart / Trend , müxbir Ü.İsmayılova /
Cümə axşamı Azərbaycan Maliyyə Nazirliyi attestasiyadan keçən ilk lisenziyalı sığorta agentlərinə agent sığorta fəaliyyəti aparmaq üçün lisenziya təqdim edib. Bu barədə nazirliyin cümə günü yayılan məlumatında bildirilir.
Azərbaycanda sığorta agentləri və vasitəçilərinin lisenziyalaşdırılması 2008-ci ilin martında qəbul olunan "Sığorta fəaliyyəti haqqında" Qanun əsasında aparılır.
Azərbaycan Maliyyə Nazirliyi tərəfindən sığorta agent fəaliyyəti üzrə lisenziyanın alınması üçün təşkil olunan imtahanlarda ümumilikdə 255 iddiaçı iştirak edib ki, onların da 93 nəfəri imtahanı uğurla başa vurub.
Məqalə müəllifi ilə əlaqə ünvanı - [email protected]