...

Azərbaycanın AGBank-ı BMK ilə subordinə kreditinin ayrılması haqda müqavilə imzalayıb

Biznes və iqtisadiyyat xəbərləri Materials 5 May 2009 13:33 (UTC +04:00)

Trend-i buradan izləyin

Azərbaycan, Bakı, 05 may / Trend , müxbir N.İsmayılova /

"Beynəlxalq Maliyyə Korporasiyası (BMK) kiçik və orta sahibkarlığın maliyyələşdirilməsi üçün Azərbaycanın AGBank-na 10 milyon dollar ayırıb", - çərşənbə axşamı Bakıda, Cənubi Avropa və Mərkəzi Asiya regionu üzrə BMK direktoru Şahbaz Mavaddat, bankla korporasiya arasında kredit müqaviləsinin imzalanması mərasimində deyib.

"Bu subordinə krediti bankın kapital bazasının genişləndirilməsinə yönəldiləcək, həmçinin ona kiçik və orta sahibkarlıq sahəsində 70 min layihəni maliyyələşdirmək imkanı yaradacaq. Bu əməkdaşlıq ölkənin kiçik və orta sahibkarlığının maliyyə resurslarına çıxış imkanlarını genişləndirəcək, həmçinin ölkənin qeyri-neft sektorunun inkişafını dəstəkləyəcək", - Mavaddat bildirib.

Kredit korporasiyanın bankın kapitallaşdırılması və inkişafına əvvəlcədən təsdiq olunmuş 15 milyon dollarlıq sərmayəsinin bir hissəsidir. Kredit səkkiz il müddətinə verilib. Bank onu hərəsi 5 milyon dollar olmaqla iki tranşa alacaq. İlk tranş artıq çatdırılıb, ikincisi isə beş aydan sonra gözlənilir. Kreditin qalan 5 milyon dollarını isə bank bir ildən sonra əldə edəcək.

Bank və korporasiya arasında həmçinin AGBank-da menecment risklərinin gücləndirilməsinə yönəldilmiş texniki yardımın vaxtının uzadılması üzrə müqavilə imzalanıb.

"Ölkənin bank sektorunun belə texniki dəstəyə ehtiyacı var. Bu struktur artıq bankda yaradılıb və fəaliyyətə başlayıb", - Bankın Müşahidəçilər Şurasının sədri Çingiz Əsədullayev deyib.

Bank tərəfindən kredit müqaviləsini İdarə Heyətinin sədri Azər Mövsümov, korporasiya tərəfdən Şahbaz Mavaddat imzalayıb.

BMK artıq AGBank-a KOS və lizinq əməliyyatlarının maliyyələşdirilməsi məqsədilə 1998, 2003 və 2006-cı illərdə üç kredit ayırıb. Həmçinin 2006-cı ilin iyulunda BMK AGBank-ın kapitalında 17,5 faizlik payı 1,470 milyon manata əldə edib.

Bu, bank üçün böyük xarici maliyyə strukturunun ikinci belə kreditidir. Aprelin 1-də OFİD-lə 10 milyon dollar məbləğində iki kredit xəttinin ayrılması üzrə müqavilə imzalanıb.

Hazırda AGBank-ın iki xarici səhmdarı var. 2008-ci ilin mayında bankın səhmlərinin 10 faizi, nominal dəyəri 1,5 milyon manat olmaqla, 8,36 milyon manata Amerikanın Kazimir Investment Caspian Fund şirkətinə verilib.

Yeni səhmdarın daxil olması ilə bankın kapitalı 26,556 milyon manata qədər artıb ki, burada da hər səhmin nominal dəyəri 10 min manatdır.

Bankın əsas səhmdarları, Çingiz Əsədullayev və Fərzulla Yusifov, eləcə də IFC və Kazimir Caspian Fund Limited-dir. Bankın 13 filialı var.

Mayın 5-nə olan rəsmi məzənnə 0,8034 AZN/USD təşkil edir.

Məqalə müəllifi ilə əlaqə ünvanı: [email protected]

Xəbər lenti

Xəbər lenti