Azərbaycan, Bakı, 12 may / Trend , müxbir Ü.İsmayılova /
"Azərbaycanın Standartlaşdırma, Metrologiya və Patentləşdirmə üzrə Dövlət Komitəsi bazardakı ərzaq məhsullarının keyfiyyət yoxlanışı ilə bağlı tədbirləri sərtləşdirib", - komitə sədri Ramiz Həsənov deyib.
"Bəzi sahibkarlar guya mövcud olan böhran durumundan yararlanaraq vaxtı keçmiş və standartlara uyğun gəlməyən malları idxal etməyə çalışırlar", - Həsənov bildirib.
Komitə mayın əvvəlində saxta məhsul satışı faktını ortaya çıxarıb. Fiziki şəxs Şəmsəddin Həsənova aid olan ticarət obyektində "Şırin qənd " (şəkər tozu), "Qara xəritə " (kofe), "Robin Tea", "Damask" (çay), Nutrulak (uşaq qidası) brendlərinin saxtalaşdırıldığı ortaya çıxıb. Bu məhsulların tərkibi saxtalaşdırılıb, həmin məhsulların istifadə müddəti bitib. Tərtib edilən akta əsasən, 236,18 min manatlıq məhsul aşkar edilib və məhv edilib.
Dövlət Komitəsi standartlaşdırma, metrologiya, sertifikatlaşdırma və sənaye mülkiyyəti obyektlərinin mühafizəsi sahəsində dövlət siyasətini formalaşdıran və aparan mərkəzi icra orqanıdır.
Məqalə müəllifi ilə əlaqə ünvanı: [email protected]