Azərbaycan, Bakı, 21 may / Trend , müxbir N.İsmayılova /
"Azərbaycanın Əmlak Məsələləri üzrə Dövlət Komitəsi 2009-cu ilin sonuna qədər kiçik özəlləşdirməni başa çatdırmaq niyyətindədir", - cümə axşamı komitənin sədri Kərəm Həsənov deyib.
"Kiçik müəssisələrin özəlləşdirilməsi prosesi artıq bitmək mərhələsindədir. Düşünürəm ki, ilin sonuna qədər o tam başa çatacaq", - Həsənov deyib.
Bu ilin dörd ayı ərzində Azərbaycanda 250-yə yaxın kiçik müəssisə və obyekt, həmçinin üzərində 190 obyekt olan torpaq sahələri özəlləşdirilib.
Sərmayə müsabiqələrinin keçirilməsi nəticəsində özəlləşdirilmiş müəssisələrə hesabat dövründə müsabiqə qalibləri tərəfindən 30 milyon manat sərmayə qoyulub.
Ümumilikdə, sərmayə müsabiqələrinin keçirilməsi nəticəsində özəlləşdirilmiş 82 müəssisəyə 430 milyon manat sərmayə qoyulub və bu müəssisələrdə 12,5 mindən çox iş yeri açılıb.
Mayın 21-nə olan rəsmi məzənnə 0,8036 AZN/USD təşkil edir.
Məqalə müəllifi ilə əlaqə ünvanı: [email protected]
