Azərbaycan, Bakı, 19 avqust / Trend , müxbir Ü.İsmayılov /
Standartlaşdırma, Metrologiya və Patent üzrə Dövlət Komitəsi və Türkiyənin Standartlaşdırma İnstitutu birgə layihələr həyata keçirmək niyyətindədir. Bu barədə çərşənbə günü Dövlət Komitəsindən bildirilib.
"Bu cür razılıq qurumların başçıları Ramiz Həsənov və Tahir Böyükhelvaçıgilin Bakıda keçirilən görüşündə əldə olunub", - komitədən bildirilib.
Görüş zamanı Azərbaycanın Standartlaşdırma Komitəsinin başçısı bildirib ki, layihələrin həyata keçirilməsi Türkiyənin Standartlaşdırma İnstitutunun Azərbaycan qanunvericiliyi əsasında fəaliyyəti nəticəsində mümkündür.
Türkiyə institutunun direktoru görüş zamanı Azərbaycanın Standartlaşdırma Komitəsi ilə əməkdaşlığın vacib olduğunu qeyd edib.
