Azərbaycan, Bakı, 21 avqust / Trend , müxbir İ.Xəlilova /
Azərbaycan manatının nominal effektiv məzənnəsi (NEM) 2009-cu il yanvar-iyul ayları ərzində ümumi ticarət dövriyyəsində 0,4 faiz, idxalda 1,7 faiz bahalaşıb, ixracda isə 0,7 faiz ucuzlaşıb, bu barədə cümə günü Azərbaycan Mərkəzi Bankından bildirilib. İyun ayı ilə müqayisədə ticarət dövriyyəsində NEM-in ucuzlaşması 0,1 faiz, ixracda 0,2 faiz müşahidə edilir. İdxalda isə 0,1 faiz bahalaşma müşahidə edilir.
AMB-nin hesablamalarına əsasən, 2008-ci ilin sonuna nisbətdə yanvar-iyul aylarında qeyri-neft sektoru üzrə NEM ümumi ticarət dövriyyəsində 4 faiz, ixracda 6,4 faiz, idxalda isə 3,5 faiz artıb. İyun ayı ilə müqayisədə NEM üzrə müvafiq olaraq 0,3 faiz, 0,8 faiz və 0,2 faiz bahalaşma müşahidə edilib.
Avqustun 21-nə olan rəsmi məzənnə 0,804 AZN/USD təşkil edir.
Məqalə müəllifi ilə əlaqə ünvanı: [email protected]
