Azərbaycan, Bakı, 25 avqust / Trend , müxbir Ü.İsmayılova /
Son beş il ərzində Azərbaycanda 19,285 min hektar ərazidə yeni meyvə bağları salınıb. Bu barədə çərşənbə axşamı rəsmi mətbuatdakı müsahibəsində kənd təsərrüfatı naziri İsmət Abbasov bildirib.
"Ötən ildə ölkə ərazisinin 5 227 hektar torpaq sahəsində meyvə bağları salınmışdı", - nazir bildirib.
Onun sözlərinə görə, hazırda ölkə ərazisində 119 min hektar meyvə bağı mövcuddur ki, onun da 96,21 min hektarı məhsuldar bağlardır.
Bütün bu tədbirlər Azərbaycan əhalisinin 2008-2015-ci illərdə etibarlı təminatı üzrə Dövlət Proqramı çərçivəsində həyata keçirilib.
Abbasov bildirib ki, ötən ildə məhsuldar bağlardan 712,812 min ton meyvə yığılıb. Ötən ildə ölkədən 271,43 min ton meyvə ixrac edilib ki, bu da 2007-ci ildəkindən 80,348 min ton çoxdur.
"2009-cu ilin yanvar-may aylarında Azərbaycan 21,6 min ton meyvə ixrac edib", - nazir bildirib.
Məqalə müəllifi ilə əlaqə ünvanı: [email protected]
