Azərbaycan, Bakı, 08 sentyabr / Trend , müxbir Ü.İsmayılova /
Azərbaycan Vergilər Nazirliyində "vahid pəncərə" sistemi vasitəsilə "Mərdəkan Broyler Xan" MMC dövlət qeydiyyatından keçib, bu barədə idarənin rəsmi saytının "vahid pəncərə" bölməsində deyilir.
MMC-nin nizamnamə kapitalı 10 manat təşkil edir. MMC-nin təsisçisi və rəsmi nümayəndəsi Azərbaycan vətəndaşı Tural Cəfərovdur.
"Mərdəkan Broyler Xan" MMC avqustun 19-da dövlət qeydiyyatından keçib.
Yaradılan müəssisənin 2008-ci ilin oktyabrında iflasa uğraması səbəbindən fəaliyyətinin dayandıran "Mərdəkan Broyler" quş fabriki ilə heç bir əlaqəsi yoxdur. Bu barədə çərşənbə axşamı Respublika Quşçuluq Cəmiyyətinin başçısı Aydın Vəliyev bildirib.
Respublika Quşçuluq Cəmiyyətinin tərkibinə 27 müəssisə daxildir. Onların 26-sı quşçuluq müəssisəsidir, biri isə baytarlıq dərman preparatlarının distribyutorudur. Azərbaycanda quşçuluq sahəsində fəaliyyət göstərən işçilərin sayı 15-20 min nəfər təşkil edir. Ötən ildən etibarən Bakıda iki böyük quşçuluq fabriki "Mərdəkan Broyler" və "Hövsan Broyler" bağlanıb.
Sentyabrın 8-nə olan rəsmi məzənnə 0,8037 AZN/USD təşkil edir.
Məqalə müəllifi ilə əlaqə ünvanı: [email protected].
