Azərbaycan, Bakı, 26 sentyabr / Trend , müxbir İ.Xəlilova/
Azərbaycan bankı Accessbank-ın səhmdarları kapitallarının qazanılmış gəlir hesabına artırılması barədə qərar qəbul ediblər və bu günə bankın müştərək kapitalı 70 milyon dollar təşkil edir. Bu barədə bankın baş meneceri Endryu Pospielovski deyib. Bankın nizamnamə kapitalı 20 milyon manatdır.
"Biz səhmdarlara dividend ödəmirik və mənfəətlər hesabına kapitalın nəzərəçarpacaq artımı təmin olunur. Buna görə də kapitalın əlavə kapital qoyuluşu hesabına artırılmasına ehtiyac yoxdur. Bank kapitalının adekvatlığı Mərkəzi Bankın normativ tələbini ikiqat üstələyir", - Pospielovski deyib.
Bu gün Accessbank kapitalının adekvatlığı 12 faizlik normativlə 24-25 faiz təşkil edir.
Accessbank 6 beynəlxalq maliyyə institutlarına məxsusdur. Bunlar Avropa Yenidənqurma və İnkişaf Bankı, Beynəlxalq Maliyyə Korporasiyası, Qara dəniz Ticarət və İnkişaf Bankı, Kfw Development Bank - Almaniya Hökumətinin İnkişaf Bankı (hər birii 20%), mikromaliyyələşdirmə sahəsində strateji maliyyəçi rolunda çıxış edən Access Holding (16,5%) və Almaniyanın LFS Financial Systems GmbH (3,5%) şirkətləridir.
Sentyabrın 26-na olan rəsmi məzənnə 0,8034 AZN/USD təşkil edir.
Məqalə müəllifi ilə əlaqə ünvanı: [email protected]
