Azərbaycan, Bakı, 30 sentyabr / Trend , müxbir Ü.İsmayılova/
Azərbaycanın sığorta bazarı qlobal maliyyə böhranına baxmayaraq azalmayıb və inkişafını davam etdirir, Azərbaycanın böyük sığorta şirkətlərindən biri Qarant Sığorta-nın İdarə Heyətinin sədri Vaqif Həsənov belə hesab edir.
"Böhran əsasən ölkənin bank sektoruna təsir edib, deməli banklar ilə əlaqədar olan polisləri satan sığorta şirkətlərinə təsir edib", - Həsənov bildirib.
Onun sözlərinə əsasən, hazırda Azərbaycanın sığorta bazarında heç bir mənfi siqnal müşahidə olunmur, eyni zamanda şirkətlər tərəfindən ödənişlərin edilməməsi faktları da yoxdur. "Şirkətlər əvvəlcə işlədiyi tempdə işlərini davam etdirir", - Həsənov bildirib.
Şirkətin İdarə Heyətinin sədri hesab edir ki, təsir özünü əvvəl illik 30 faiz təşkil edən bazar artımı səviyyəsində büruzə verir.
Əslində Həsənovun fikrincə, böhran bir çox bazara müsbət təsir edib, əgər əvvəl şirkətlər yaranan vəziyyəti proqnozlaşdırmırdılarsa, lakin indi hər şeyə hazır olmağın lazım olduğunu başa düşüblər.
"Bu vəziyyətdə şirkətlər təkcə hesabına böyük haqların toplandığı korporativ müştərilər ilə işləməməlidirlər ki, itki halında ciddi problemlər yaranır ", - Həsənov bildirib.
Qarant Sığorta 2007-ci ilin noyabr ayında Azərbaycan Maliyyə Nazirliyindən sığorta fəaliyyəti üçün lisenziya əldə edib. Qarant Sığorta ZQAN Holdings-in tərkibinə daxildir. Şirkətin nizamnamə kapitalı 4 milyon manat təşkil edir. Şirkət sığortanın 18 könüllü və dörd icbari növü üzrə xidmət göstərir. Şirkətin haqları yanvar-avqust aylarında 1,96 milyon manat, ödəmələri 0,13 milyon manat təşkil edib.
Sentyabrın 30-na olna rəsmi məzənnə 0,8035 AZN/USD təşkil edir.
Məqalə müəllifi ilə əlaqə ünvanı: [email protected].
