Bakı, Azərbaycan, 13 oktyabr / Trend , müxbir H.Vəliyev/
Azərpoçt ASC Azərbaycanda bank bazarının dörddə birinə iddialıdır, Azərpocht-un əməliyyatlar şöbəsinin müdiri Rövşən Rüstəmov çərşənbə axşamı jurnalistlərlə söhbətində deyib.
Azərpocht 1 dekabr 2009-cu ildə ölkənin Mərkəzi Bankından maliyyə xidmətlərinin göstərilməsi üçün lisenziya almağı planlaşdırır.
"Hazırda poçt operatoru xidmətlərinin 40 faizdən çoxunu maliyyə xidmətləri təşkil edir", - Rüstəmov mətbuat konfransında deyib.
Onun sözlərinə görə, hazırda sistem 30-u regionalrda yerləşən təxminən 140 poçt şöbəsində tətbiq edilib.
Gələn il Azərpocht təxminən 1200 filialda bu sistemi tətbiq etməyi planlaşdırır.
Hələ bir müddət əvvəl rabitə və informasiya texnologiyaları naziri Əli Abbasov deyib ki, poçt şöbələri 2010-cu ildən mükəmməl maliyyə xidmətlərinin göstərilməsinə başlayacaq.
Mərkəzi Bankın İdarə Heyəti sədrinin birinci müavini Alim Quliyevin sözlərinə görə, hazırda poçt operatorlarının yenidən təşkili davam edir. Onların maliyyə xidmətləri göstərməsi üzrə hazırlıq işləri gedir.
"Xüsusilə daxili informasiya sistemi tətbiq edilir, struktur dəyişiklikləri aparılır, artıq kadrlar sistemdən çıxarılır, risklərə daxili nəzarət sistemi yaradılır", - nazir müavini deyib.
Azərpocht-a qeyri-bank kredit təşkilatı kimi lisenziya veriləcək.
"Başlanğıc mərhələdə poçt operatoru əmanət qəbul etməyəcək və kredit verməyəcək. Buna görə də hazırkı mərhələdə ona qeyri-bank fəliyyətinə dair lisenziya veriləcək", - Quliyev deyib.
Parlamentdə ikinci oxunuşda müzakirə edilən "Qeyri-bank kredit fəaliyyəti haqqında" qanun layihəsinə uyğun olaraq, bu maliyyə institutuna da müddətsiz lisenziya veriləcək.
"Poçt rabitəsi haqqında" qanununda düzəlişlərə müvafiq olaraq, Azərpoçt-un funksiyası genişləndirilib. Ölkədə 2005-ci ildən Dünya Bankının dəstəyi ilə poçt şöbələrində "Maliyyə xidmətlərinin inkişafı" layihəsi həyata keçirilir. Bu layihəni ilin sonunadək başa çatdırılması planlaşdırılır. Artıq növbəti ildən yeni xidmətlərin göstərilməsinə başlanacaq. Yeni xidmətlərin səmərəli istifadəsinə keçid isə 2-3 il ərzində həyata keçiriləcək.
Azərpocht artıq öz şöbələrinin Mərkəzi Bankda yaradılan vahid kommunal ödəmələr sisteminə qoşulmasına başlayıb. Hazırda 100-ə yaxın poçt şöbəsi bu sistemə qoşulub.
Məqalə müəllifi ilə əlaqə ünvanı: [email protected]