Azərbaycan, bakı, 04 dekabr/ Trend , müxbir N.İsmayılova/
2009-cu ilin oktyabr ayı ərzində Azərbaycanın bank sektorunun kapitallaşması 1,8 % və ilin əvvəli ilə müqayisədə 16,6% artaraq, 1987,29 milyon manat təşkil edib, cümə günü Milli Bankdan məlumat verilib.
AMB-nin statistik məlumatlarına əsasən, 2009-cu il oktyabr ayının sonuna 41 bankın kapitalı 10 mln. manatı ötüb. İlin əvvəlində bankların sayı 43 olub. Bu kateqoriyalı bankların ümumi kapital həcmində xüsusi çəkisi 98,6 faizdən 97,8 faizədək azalıb.
Dörd bankın (2 faizlik xüsusi çəkilə) kapitalı 5 milyon manatdan 10 milyon manatadək formalaşıb. Bankların biri isə (0,2 faiz) onu 3,5 milyon manatdan 5 milyon manatadək ödəyib.
Mərkəzi bankın məlumatlarına görə, 3 rübün yekunları üzrə ölkədə bir bank likvidasiya prosesini başa çatdırıb, bir bank isə hələ prosesə davam edir. cari il yanvar ayının 1-də ölkədə 3 bank likvidasiyada olub.
Hesabat dövründə respublika ərazisində bank fəaliyyətini apаrmaq üçün lisenziyaya 46 bank malik idi. Keçən il iki bankdan Poctbank və Atlantbank-dan lisenziyaların geri alınması səbəilə onların sayı azalıb. "Naxçıvanbank"ASC və Azfinans Bank-ın bakk fəaliyyətinə icazə verilib.
Hazırda ölkədə xarici kapitalla 23 bank fəaliyyət göstərir. Onların yeddisində xarici kapitalın xüsusi çəkisi 50 faizdən 100 faizədək aralıqda formalaşıb. Bankların 14-də və xarici bankların yerli filiallarında bu göstərici 50 faizdir.
Xaricdə fəaliyyət göstərən struktur bankların sayı doqquzdur. Onların 6-sı nümayəndəlik, 2-si törəmə bank, biri isə filialdır. Azərbaycanda xarici bankların dörd nümayəndəliyi fəaliyyət göstərir.
dekabrın 4-nə olan rəsmi məzənnə 0,8026 AZN/USD təşkil edir.
Məqalə müəllifi ilə əlaqə ünvanı: [email protected]
