Azərbaycan, Bakı, 11 yanvar / Trend , müxbir Ü.İsmayılova/
2009-cu ilin dekabr ayında Bakının daşınmaz əmlak bazarında qiymətlər 3%, bütünlüklə keçən il ərzində isə 20,2% azalıb, "MBA Group" konsaltinq şirkətinin baş direktoru Nüsrət İbrahimov bazar ertəsi deyib.
"Dekabrda təkrar bazarda qiymətlər 3,1%, il ərzində isə 18,1% azalıb", - İbrahimov deyib.
Onun sözlərinə görə, dekabrda torpaq bazarında qiymətlər 1,9%, il ərzində isə 23,1% azalıb. Ekspertin hesablamalarına görə, ticarət obyektləri 1,2%, il ərzində isə 0,8% azalıb. Mənzillərin kirayə bazarında qiymətləri dekabr ayında 0,8%, il ərzində isə 8,7% azalıb.
"Bakının daşınmaz əmlak bazarında orta qiymətlər dekabrda 1,75 %, il ərzində isə 15,3 % azalıb", - bu barədə İbrahimov deyib.
İl ərzində mənzillərin orta qiyməti 101,697 dollar, mənzilin bir kvadrat metri isə 1237 dollar təşkil edib. Orta otaq göstəricisi 2,46, mənzillərin orta sahə göstəricisi isə 82,9 kvadrat metr təşkil edib.
