...

Bakı Metropoliteni yeni stansiyasının tikintisi çərçivəsində tender elan edib

Biznes və iqtisadiyyat xəbərləri Materials 27 Yanvar 2010 12:28 (UTC +04:00)
Bakı Metropoliteni yeni "Mikayıl Müşfiq" stansiyasının tikintisi çərçivəsində tender elan edib. Bu barədə "Respublika" qəzetində yerləşdirilmiş elanda deyilir.

Azərbaycan, Bakı, 27 yanvar / Trend /

Bakı Metropoliteni yeni "Mikayıl Müşfiq" stansiyasının tikintisi çərçivəsində tender elan edib. Bu barədə "Respublika" qəzetində yerləşdirilmiş elanda deyilir.

Birinci tender dartma-endirmə yarımstansiyalar üçün dartma şəbəkənin, fasiləli (10 kilovat, 380/220 volt) və daimi (825 volt, 220 volt) elektrik bölüşdürücü qurğuların, ventilyasiya, sərinləşdirmə və telemexanika üsulu ilə idarə etmənin quraşdırılması və işə salınmasının təmin edilməsini nəzərdə tutur.

Tenderdə iştirak etmək istəyənlər martın 5-i saat 17:00-dək iştirak haqqında ərizə və digər sənədləri təqdim etməlidirlər. Tender təklifləri və bank zəmanəti 15 mart saat 17:00-dək təqdim olunmalıdır.

Tender təklifləri 16 mart saat 15:00-da açıqlanacaq.

İkinci tender qatarların hərəkəti üzrə avtomatika və telemexanika qurğularının layihələndirilməsi, həmçinin "Azadlıq Prospekti - Mikayıl Müşfiq" arasındakı yolda cihaz və kabel avadanlıqlarının quraşdırılması və işə salınmasının təmin edilməsini nəzərdə tutur.

Tenderdə iştirak etmək barədə ərizələr və digər sənədlər martın 2-si saat 17:00-dək təqdim olunmalıdır. İştirakçılar tərəfindən tender təklifləri 11 mart saat 17:00-dək təqdim edilməlidir. Tender təklifləri 12 mart saat 15:00-da açıqlanacaq.

Xəbər lenti

Xəbər lenti