Azərbaycan, Bakı, 5 may /Trend, müxbir N.İsmayılova/
Azərbaycan - Belarus əməkdaşlığı böyük perspektivlərə malikdir. Bu barədə Belarusun iqtisadiyyat naziri Vladimir Adaşkeviç Bakıda keçirilən "Belarus Respublikasının sosial-iqtisadi inkişafının vəziyyəti və perspektivləri. Belarus - Azərbaycan əməkdaşlığının gələcək inkişaf imkanları" adlı seminar-təqdimatın gedişində bildirib.
"Azərbaycanla Belarus arasında uğurlu münasibətlər traktorların, maşınların, optik avadanlıqların, liftlərin yığılması kimi sahələrdə yaranıb", - o bildirib.
Onun sözlərinə görə, ötən ilin yekunları üzrə iki ölkə arasında əmtəə dövriyyəsi 125 milyon dolları ötüb. Belarus maraqları fəal şəkildə cəlb edir, bu məqsədlə azərbaycanlı sahibkarlar üçün "Belarus Respublikasının sosial-iqtisadi inkişafının vəziyyəti və perspektivləri. Belarus - Azərbaycan əməkdaşlığının gələcək inkişaf imkanları" seminar-təqdimat təşkil olunub.
Adaşkeviç deyib ki, Belarusda istehsal olunan məhsulların 60 faizindən çoxu ixrac olunur ki, bu da Belarus iqtisadiyyatının açıq olmasından xəbər verir. 2009-cu ildə istehsal tempi 2008-ci illə müqayidəsə 2,8 faiz artıb.
"Hökumətin qarşısına qoyulan başlıca vəzifə böhran ilindən aşağı düşməsinə yol verməməkdir ki, bunun uğurla yerinə yetirilməsinə nail olunub və artım 0,2 fazi təşkil edib", - Adaşkeviç deyib.
Onun sözlərinə görə, 2009-cu ildə respublikanın hüdudlarından kənarda 26 yeni müəssisə açılıb və daha 20 istehsal müəssisəsinin yaradılması üçün iş aparılır. 2009-cu ildə əsas kapitala qoyulan sərmayələrin həcmi 7,6 faiz təşkil edib.
"2010-cu ilin birinci rübündə ÜDM-də artım 4 faiz təşkil edib. Bu da ilin yekunları üzrə ÜDM-də artımın 11 faizdən yuxarı səviyyədə olacağı barədə proqnozların real olduğunu söyləməyə imkan verir", - o deyib.
Sənaye sektorunda artım 5,9, kənd təsərrüfatında - 5,3, pərakəndə mal dövriyyəsi üzrə - 13,3, inflyasiya 2,5 faiz səviyyəsində olub.
