...

Azərbaycanda sığortaçıların 67,6% -i avtosığorta xidmətindən istifadə edir

Biznes və iqtisadiyyat xəbərləri Materials 4 İyun 2010 13:45
Azərbaycanda sığortaçıların 67,6 faizi avtomobil sığorta xidmətindən istifadə edir, - bu barədə "International Research Group Business Insight (BI)" Beynəlxalq Tədqiqat Şirkəti aparılan sorğulara əsasən məlumat verib.

Trend-i buradan izləyin

Аzərbaycan, Bakı, 4 iyun /Trend, müxbir Ü.İsmayılova/

Azərbaycanda sığortaçıların 67,6 faizi avtomobil sığorta xidmətindən istifadə edir, - bu barədə "International Research Group Business Insight (BI)" Beynəlxalq Tədqiqat Şirkəti aparılan sorğulara əsasən məlumat verib.

Təşkilatın məlumatına əsasən, sığortaçıların 13,5 faizi həyat, 12,2 faizi tibbi, 12,2 faizi əmlak,1,4%-i sosial sığortalama və 0,7%-i cavabdehlik sığortasından yararlanır.

Nəticədə, sorğu aparılan şəxslərin 79,8 faizi sığorta xidmətindən istifadə olunmadığını və yalnız 20,2 faizi əksinə cavabı verib.

Son illərdə sığorta bazarı ən çox non-life, xüsusilə də, avtomobil sığortasına təsir edən dünya maliyyə böhranı ilə əlaqədar durğunluq dövrünü yaşayıb. Lakin buna baxmayaraq, qeyd etmək lazımdır ki, ölkələrin sığorta bazarlarının lokomotivi avtomobil sığortasıdır ki, bu da bankların sığortasız avtomobil üzrə kreditlər verməməsi ilə bağlıdır, - təşkilatın ekspertləri belə hesab edirlər.

Bazar tədqiqatları sübut etdi ki, Azərbaycanda sığorta həyatı istənilən səviyyədə inkişaf etməyib, tibbi sığorta xidmətindən isə əsasən korporativ müştərilər yararlanırlar.

Təşkilatın ekspertləri, həmçinin, müəyyən ediblər ki, sığortaçıların orta yaş həddi 35-39-dur və 60 faizini kişilər təşkil edir. Azərbaycanda sığorta xidmətlərindən ümumi gəliri 1,5 min manat olan şəxslər istifadə edirlər, - "International Research Group Business Insight (BI)"in ekspertləri belə hesab edirlər.

Xəbər lenti

Xəbər lenti