Azərbaycan, Bakı, 11 iyun /Trend, müxbir E.İsmayılov/
Dövlət strukturları və QHT-lər tərəfindən Azərbaycanda "Avro-2" standartlarına uyğun gəlməyən avtomobillərin istismardan tədricən çıxarılması prosesini tənzimləyən normativ sənəd hazırlanır. Bu barədə Azərbaycan Nəqliyyat Nazirliyinin Avtonəqliyyatservis Departamentinin rəis müavini Kaviz Abdullayev cümə günü bildirib.
"Sənəd istismardan çıxarılma prosesi və utilizasiyanı tənzimləyəcək. İndi onun hazırlanması üzrə iş gedir", - Abdullayev qeyd edib.
İyulun 1-dən Azərbaycanda avtomobil vasitələri tərəfindən atmosferə zərərli maddələrin atılması üzrə yeni standartlar tətbiq edilib. Həmçinin bu dövrdən respublikaya "Avro-2" standartlarına uyğun gəlməyən avtonəqliyyat vasitələrinin gətirilməsinə də məhduduiyyətlər tətbiq ediləcək.
Standartlaşdırma, Metrologiya və Patent üzrə Dövlət Komitəsində avtomobillər tərəfindən atmosfer havasına normadan artıq zəhərli qazların texniki normativləri hazırlanıb və bütün dövlət strukturları ilə razılaşdırılıb. Bu normativin artıq gələn həftənin sonlarında təsdiqlənəcəyi planlaşdırılır. Xaricdən gətirilən bütün avtomobillər "Avro-2" standartı üzrə tədqiqat və analizdən keçəcək.
Hazırda Dövlət Yol Polisində qeydiyyatdan keçən 950 mindən artıq avtomobilin 650 mini standartlara uyğun gəlmir. Ölkədə qeydiyyatdan keçən avtomobil vasitələrinin 65 faizi Bakıda cəmləşib.
