Azərbaycan, Bakı, 3 avqust /Trend, müxbir Ü.İsmayılova/
İyunda Bakının ilkin mənzil bazarında may ayına nisbətən qiymət, demək olar, dəyişməz qalıb və bir kvadratmetrin orta qiyməti orta hesabla 870 dollar olub. Bu barədə çərşənbə axşamı "Əmlak Bazarı İştirakçıları" İctimai Birliyindən məlumat veriblər.
İyunda ilkin mənzillərin qiymətləri ikinci rübün əvvəlinə nisbətən 1,1 faiz, ilin əvvəlinə nisbətən 3 faiz, ötən ilin analoji dövrünə nisbətən isə 7,8 faiz aşağı düşüb. Bakıda daşınmaz əmlak bazarının ən fəal dövrünə (2008-ci ilin sentyabrı) nisbətən qiymətlər 27,1 faiz azalıb.
Bazarın digər seqmentlərində olduğu kimi, Bakıda ilkin mənzil bazarında əmlakın alqı-satqısı üzrə passiv vəziyyət qalmaqdadır.
İyunda Bakıda 440 (mayda 439) tikinti şirkəti tərəfindən 153 (152) binanın tikintisi davam etdirilib. Əvvəlki aylarda olduğu kimi, bu ay da tikililərin əksəriyyəti Bakının Yasamal (27,3 faiz), Xətai (20,9 faiz) və Nərimanov (17,3 faiz) rayonlarının payına düşüb.
Cədvəldə Bakıda satışa çıxarılan ilkin mənzillərlə bağlı rəqəmlər göstərilir:
Mənzillər |
Mayda otaqların sayı |
İyunda otaqların sayı |
Mayda sahələrin orta göstəricisi (kvadratmetrlə) |
Birotaqlı |
11828 |
11842 |
61,3 |
İkiotaqlı |
20252 |
20259 |
92,8 |
Üçotaqlı |
26289 |
26317 |
132,4 |
Dördotaqlı |
7772 |
7779 |
190,5 |
Beşotaqlı |
908 |
908 |
252,4 |
Cəmi |
67049 |
67105 |
145,9 |