Аzərbaycan, Bakı, 24 sentyabr /Trend, müxbir Ü.İsmayılova/
Noyabrda ilkin mənzil bazarında qiymətlər oktyabra nisbətdə 0,2 faiz, bundan əvvəlki rübə nisbətdə isə 0,5 faiz azalıb. Bu barədə cümə axşamı "Əmlak Bazarı İştirakçıları" İctimai Birliyindən məlumat veriblər.
"Qiymətlər ötən ilin analoji dövrü ilə müqayisədə 5,5 faiz, 2010-cu ilin əvvəli ilə müqayisədə isə 3,9 faiz aşağı düşüb", - İB-dən bildiriblər.
Qiymət göstəricisi 0,2 faiz azalaraq oktyabrdakı 331 bəndə nisbətdə 330 bənd təşkil edib.
Təşkilatın mütəxəssisləri tərəfindən ilkin mənzil bazarında aparılan monitorinqlərə görə, bazarda qiymətlərin 0,2 faizlik azalmasına səbəb bir sıra tikinti şirkətlərinin təqdim etdikləri Yeni il endirim kampaniyaları, eləcə də alıcı qıtlığıdır.
Bakının III və IV zonalarında əhəmiyyətli qiymət azalması baş verib.
Bakıdakı ilkin bazarda orta qiymətlər bir kvadratmetr üçün 862 manat təşkil edib ki, oktyabrda bu göstərici 864 manat olub.
Noyabrda ilkin mənzil bazarında passivliyə satış həcmləri də təsir edib. Ötən ayda bazara cəmi bir yeni bina çıxarılıb ki, nəticədə noyabrda tikilməkdə olan binaların sayı 433, tikinti şirkətlərinin sayı isə 155 təşkil edib. Ötən ay satışdan bir bina da çıxarılmayıb.
