Azərbaycan, Bakı, 31 mart /Trend, müxbir E.İsmayılov/
TRACECA (Avropa - Qafqaz - Asiya) yerüstü nəqliyyat dəhlizi çərçivəsində yol hərəkətinin təhlükəsizliyi üzrə işçi qrupun mayda Brüsseldə keçiriləcək iclası zamanı yol hərəkətinin təhlükəsizliyi üzrə regional fəaliyyət planının yekun variantı hazırlanacaq. Bu barədə TRACECA-nın rəsmi internet-saytında yerləşdirilmiş məlumatda deyilir.
Öz növbəsində plan baxılmaq üçün ТRАСЕCА hökumətlərarsı komissiyasına təqdim olunacaq.
Martın 29-30-da Kişinyovda yol hərəkətinin təhlükəsizliyi üzrə işçi qrupun regional iclası keçiriləcək. İclasın keçirilməsində məqsəd yol hərəkətinin təhlükəsizliyi üzrə regional planın hazırlanmasıdır. Plan əsasında qəzalar, bədbəxt hadisələrin səbəblərinin aşkara çıxarılması və onların ətraflı təhlili, yol hərəkətinin təhlükəsizliyi sahəsində qanunvericiliyin harmonizasiyası, regionda yol hərəkətinin təhlükəsizliyinə ümumi yanaşma və QHT-in qarşılıqlı fəaliyyəti durur.
Bu, artıq həmin layihə çərçivəsində ТRАСЕCА ölkələrinin üçüncü oxşar görüşüdür. Bundan əvvəl regional işçi qrupun iclası martın 10-11-də Almatıda, 24-25-də isə Tbilisidə keçirilib.
TRACECA Aİ və Şərqi Avropa, Cənubi Qafqaz və Mərkəzi Asiyada tərədaş ölkələri arasında nəqliyyat sahəsində beynəlxalq əməkdaşlıq proqramıdır. Təşkilatın Bakıda daimi katibliyi var.
Hazırda TRACECA-nın iştirakçı dövlətləri Azərbaycan, Bolqarıstan, Gürcüstan, Qazaxıstan, Qırğızıstan, Ermənistan, Moldova, Rumıniya, Tacikistan, Türkmənistan, Türkiyə, Ukrayna və İrandır.