PremiumAzərbaycan Mərkəzi Bankı kapitalın adekvatlıq normalarını tənzimləyən çərçivələrə yenidən baxmağı planlaşdırır

Azərbaycan, Bakı, 7 iyun /Trend, müxbir A.Axundov/

Azərbaycanın bank sisteminin ümumi kapitalının adekvatlığı 2011-ci ilin I rübünün yekunları üzrə 16,6 faiz təşkil edərək Azərbaycan Mərkəzi Bankının 12 faiz səviyyəsində müəyyənləşdirilən minimal normalarını ötüb. Trend-in məlumatına görə, bu barədə Azərbaycan Mərkəzi Bankının (AMB) çərşənbə axşamı I rübün yekunları üzrə maliyyə sabitliyinə dair açıqladığı hesabatda deyilir.

"Birinci rübdə bankların kapital bazasının möhkəmləndirilməsi tendensiyası davam edib. Nəticədə bank sektorunun kapitalının adekvatlıq göstəricisi qəbul edilmiş normanı üstələyib", - hesabatda deyilir.

Eyni zamanda, birinci səviyyəli kapitalın adekvatlığı 13,5 faizdən 14,4 faizədək artaraq normativi 6 faiz üstələyib.

Kapitalın adekvatlığı üzrə Bazel Komitəsinin normativ tələbi 8 faiz, AMB-nin isə 12 faizdir (bu norma nisbətən yüksək səviyyə hesab edilir).

Hesabata əsasən, AMB bu göstərici üzrə tənzimləyici çərçivələrə yenidən baxmağı və hər banka fərdi yanaşma hazırlamağı planlaşdırır.

"Mərkəzi Bank tərəfindən maliyyə sisteminin sabitliyinin qorunması məqsədilə onun kapitallaşdırılması və idarəetmə keyfiyyətinin artırılması banklar tərəfindən "Bazel III" çərçivəsində aparılacaq. Bununla əlaqədar kapital strukturunun təkmilləşdirilməsinə xüsusi əhəmiyyət veriləcək. Bundan başqa, 2011-ci ilin fevralında "leverec" normativinin tətbiqinə başlanılıb. "Leverec"ə əsasən, banklar balanslaşdırılmış kapitalı aktivlərə və balanslaşdırılmamış aktivlərə uyğunlaşdırmalıdırlar. Bu tədbir bankların sürətli artımının qarşısının alınmasına xidmət edir", - hesabatda deyilir.

I rübdə Azərbaycanın bank sisteminin kapitalının ümumi həcmi 2010-cu ilin göstəricisini 0,8 faiz ötüb və illik hesablamada 8,7 faiz və ya 153,4 milyon manatdan 1,91 milyard manatadək artıb.

Kapitalın sabitliyinin qorunması üçün əsas mənbə kimi səhmdarların vəsaitləri çıxış edib. İlin əvvəli ilə müqayisədə bankların nizamnamə kapitalı 1,2 faiz (16,3 faiz) artıb.

"Bundan başqa, bankların kapitalının keyfiyyəti artıb. Belə ki, birinci səviyyəli kapitalın payının ümumi kapitalda 86,7 faizədək artırılması ümumilikdə bank sistemində kapitalın keyfiyyətinin artmasına xidmət edib", - hesabatda deyilir.

Bank sisteminin ümumi kapitalının strukturu və dinamikası (milyon manatla):

İyunun 7-nə olan rəsmi məzənnə 0,7888 AZN/USD təşkil edir.