...

Azərbaycanın "Akkord" şirkətinin infrastruktur layihələrinin qiyməti bir milyard manatı ötüb

Biznes və iqtisadiyyat xəbərləri Materials 27 Sentyabr 2011 20:26 (UTC +04:00)

Azərbaycan, Bakı, 27 sentyabr /Trend, müxbir A.Axundov/

"Akkord Sənaye Tikinti İnvestisiya Korporasiyası" ASC-nin bütün infrastruktur layihələri üzrə müqavilələrin ümumi qiyməti ƏDV-siz 1,04 milyard manat təşkil edir. Bu barədə Trend-ə şirkətdən çərşənbə axşamı bildirilib.

Bu gün şirkət 19 infrastruktur layihəsi həyata keçirir ki, bunların 9-u Azərbaycandadır.

"Şirkət Azərbaycanda ümumi məbləği 380,5 milyon manat olan 9 layihə, Gürcüstanda ümumi məbləği 140,1 milyon manat olan 5 layihə, Qazaxıstanda 112,88 milyon manatlıq 1 layihə, Əfqanıstanda 14,72 milyon manatlıq 1 layihə, Özbəkistanda 96 milyon manatlıq 2 layihə və Ukraynada 295,8 milyon manatlıq 1 layihə həyata keçirir", - şirkətdən deyiblər.

Bu layihələr çərçivəsində şirkət artıq 124,7 milyon manatlıq iş həyata keçirib.

"Azərbaycandakı layihələr 13 ay, Gürcüstanda 6 ay, Qazaxıstanda 24 ay, Əfqanıstanda 4 ay, Özbəkistanda 24 ay, Ukraynada isə 15 ay müddətinə nəzərdə tutulub. Azərbaycandakı layihələr üzrə 37,11 milyon manat, Gürcüstanda 61,18 milyon manat, Qazaxıstanda 18,9 milyon manat, Əfqanıstanda 7,5 milyon manatlıq iş yerinə yetirilib", - şirkətdən bildirilib.

Beynəlxalq infrastruktur layihələrinə 1500 texnika və 3500 işçi cəlb olunub.

"İnfrastruktur layihələri şirkətin əsas maliyyə mənbəyidir", - ASC-dən bildiriblər.

Sentyabrın 27-nə olan rəsmi məzənnə 0,7869 AZN/USD təşkil edir.

Xəbər lenti

Xəbər lenti