Azərbaycan, Bakı, 9 dekabr /Trend, müxbir E.İsmayılov/
Bmi aviaşirkətinin Bakı-Bişkək marşrutu ilə uçan sərnişin reysi Qırğızıstan paytaxtına yerli vaxtla saat 22:35-də çatacaq. Bu barədə Trend-ə cümə günü aviaşirkətdən məlumat verilib.
Təyyarə Bakıdan yerli vaxtla saat 21:35-də uçub və Bişkəkə yerli vaxtla saat 03:00-də çatmalı idi.
Şirkətin məlumatına görə, dumanla əlaqədar təyyarə Almatıda yerə məcburi eniş edib.
"Duman çəkilən kimi, sərnişinlər Bişkəkə çatdırılacaq", - şirkətdən bildiriblər.
İlkin məlumatlara görə, təyyarə Almatıdan yerli vaxtla 21:35-də çıxacaq və Bişkəkə yerli vaxtla saat 22:35-də çatacaq.