...

"Kapital Bank" çevik maliyyə siyasətinə sadiq qalacaq

Biznes və iqtisadiyyat xəbərləri Materials 6 Fevral 2012 16:24 (UTC +04:00)

Trend-i buradan izləyin

Azərbaycan, Bakı, 6 fevral /Trend, müxbir N.İsmayılova/

Azərbaycan bankı "Kapital Bank"ın mövcud tarif siyasəti həm maliyyə bazarındakı real duruma, həm də müştərilərin ehtiyaclarına adekvatdır. Bu barədə bazar ertəsi Trend-ə bankın mətbuat xidmətindən məlumat veriblər.

"Lakin aparılan təhlillərin nəticələrindən asılı olaraq, gələcəkdə bankın tarif siyasətində hər hansı dəyişikliklərin edilməsi də istisna deyil", - bankdan bildiriblər.

Bankdan deyiblər ki, "Kapital Bank" öz tarif siyasətini ölkənin maliyyə bazarındakı real vəziyyətə, həmçinin müştərilərin istək və ehtiyaclarına əsasən müəyyən edir. Bank çevik maliyyə siyasətinin tətbiqi prinsipinə üstünlük verir. Yəni maliyyə bazarının mütəmadi monitorinqi aparılır, müştərilər arasında sorğular keçilir.

Bununla yanaşı, bank xarici mühit amillərini, o cümlədən ölkədə maliyyə sabitliyinin qorunması üçün tətbiq olunan siyasətin tələblərini də nəzərə alır.

2011-ci ilin sonuna olan məlumata görə, "Kapital Bank" aktivlərin həcmi və pərakəndə depozitlər üzrə Azərbaycanın ən iri ikinci bankıdır. Hazırda "Kapital Bank"ın əsas səhmdarı "Pasha Holding"dir. Holdinqə səhmlərin 97,75 faizi məxsusdur.

Xəbər lenti

Xəbər lenti