Azərbaycan, Bakı, 2 iyul /Trend, müxbir A.Axundov/
İyulun 2-nə olan vəziyyətə görə, Azərbaycanda 1,585 milyon ton payızlıq və yazlıq dənli bitki və dənli paxlalılar (qarğıdalısız) yığılıb ki, bu da ötən ilin analoji dövr göstəricisini 24,1 faiz üstələyir. Trend-in məlumatına görə, bu barədə bazar ertəsi Kənd Təsərrüfatı Nazirliyinin yaydığı məlumatda deyilir.
Hesabat dövründə 986,59 min hektar əkin sahəsindən (il ərzində 4,4 faiz artım) 601,31 min hektar biçilib (13,9 faiz artım).
Bununla yanaşı, ümumilikdə dənli bitkilərin məhsuldarlığı il ərzində hər hektarda 24,2 sentnerdən 26,4 sentnerədək artıb (9,1 faiz artım).
İyulun 2-nə olan vəziyyətə görə, ölkədə 940,75 min ton buğda yığılıb ki, bu da ötən analoji dövr göstəricisini 25,3 faiz üstələyir. Bu bitkinin məhsuldarlığı il ərzində hər hektarda 24,7 sentnerdən 27,1 sentnerədək artıb.