Azərbaycan, Bakı, 13 fevral /Trend, müxbir A.Axundov/
Beynəlxalq Sığorta Şirkəti 2013-cü ildə nizamnamə kapitalının ciddi artmasını gözləyir. Bu barədə çərşənbə günü Trend-ə şirkətin İdarə heyətinin sədri Məmməd Sadıq Məmmədov bildirib.
"Biz bu günlərdə təsisçinin (Azərbaycan Beynəlxalq Bankı) kapitalın artırılması haqqında qərarını gözləyirik. Bankın İdarə heyəti qərar qəbul edib və hazırda Müşahidə Şurasının qərarını gözləyirik. Biz kapitalın 10 milyon manatdan çox artmasını tələb etmişik, lakin kapitalın nə qədər artması barədə qərarı təsisçi qəbul edəcək", - Məmmədov qeyd edib.
Hazırda şirkətin ödənilmiş nizamnamə kapitalı 8,8 milyon manatdır.
