...

Mərkəzi Bankda “Maliyyə hesabatları və alətləri” mövzusunda treninq keçirilib (FOTO)

Biznes və iqtisadiyyat xəbərləri Materials 24 Oktyabr 2013 14:51 (UTC +04:00)
Azərbaycan Respublikası Mərkəzi Bankı tərəfindən 22-23 oktyabr 2013-cü il tarixlərində “PraysvoterhausKupers Azərbaycan” şirkətilə birlikdə banklar üçün “Maliyyə hesabatları və alətləri” mövzusunda növbəti treninq keçirilib.
Mərkəzi Bankda “Maliyyə hesabatları və alətləri” mövzusunda treninq
keçirilib (FOTO)

Azərbaycan, Bakı, 24 oktyabr /Trend/

Azərbaycan Respublikası Mərkəzi Bankı tərəfindən 22-23 oktyabr 2013-cü il tarixlərində "PraysvoterhausKupers Azərbaycan" şirkətilə birlikdə banklar üçün "Maliyyə hesabatları və alətləri" mövzusunda növbəti treninq keçirilib. Bu barədə Trend-ə cümə axşamı bankdan daxil olan məlumatda deyilir.

Treninqin keçirilməsində məqsəd maliyyə hesabatlarının hazırlanması üzrə bank mütəxəssislərinin zəruri bilik və kompetensiyalarının artırılması olub.

"PraysvoterhausKupers Azərbaycan" şirkətinin direktoru Elçin İbadov iştirakçılara beynəlxalq maliyyə hesabatları standartlarında baş vermiş son dəyişikliklər, maliyyə alətlərinin ölçülməsi üzrə qaydalar, pul vəsaitlərinin hərəkəti haqqında hesabatın hazırlanması, risklərin idarə olunması və s. məsələlər haqqında ətraflı məlumat verib.

Yekunda iştirakçılara sertifikatlar təqdim olunub.

Qeyd edək ki, Azərbaycan Respublikası Mərkəzi Bankının Tədqiqatlar və inkişaf mərkəzi 2011-2014-cü illər üzrə strateji planına uyğun olaraq, "Bilik mübadiləsi" layihəsi çərçivəsində müxtəlif hədəf qrupları üçün bir sıra tədbirlər həyata keçirir.

Məqalədə:
Xəbər lenti

Xəbər lenti