...

Azərbaycanda ipoteka kreditləşməsinin həcmi il ərzində 30 faizdən çox artıb

Biznes və iqtisadiyyat xəbərləri Materials 6 İyun 2014 16:37

Trend-i buradan izləyin

Azərbaycan, Bakı, 6 iyun /Trend, müxbir Z.Qurbanova/

Azərbaycan Mərkəzi Bankı yanında fəaliyyət göstərən Azərbaycan İpoteka Fondunun (AİF) xətti ilə 2014-cü ilin yanvar-aprel aylarında 42 milyon manat məbləğində kredit verilib ki, bu da ötən ilin analoji dövrü ilə müqayisədə maliyyələşdirmənin həcmini 30,8 faiz üstələyir. Trend-in məlumatına görə, bu barədə AMB-nin saytında dərc edilən statistik hesabatda deyilir.

AİF-in xətti ilə maliyyələşdirməyə başlanandan 575,09 milyon manat dəyərində ipoteka krediti ayrılıb, o cümlədən 2013-cü ildə 112,9 milyon manat, 2012-ci ildə 74,77 milyon manat, 2011-ci ildə 95,64 milyon manat, 2010-cu ildə 97,08 milyon manat, 2009-cu ildə 76,9 milyon manat, 2007-ci ildə 70,2 milyon manat, 2006-cı ildə isə 5,6 milyon manat.

2014-cü ilin yanvar-aprel ayları ərzində bankların əvvəllər ayırdığı kreditlərin yenidən maliyyələşməsinin ümumi həcmi 38 milyon manat təşkil edib. İlin əvvəlindən AİF 5 milyon manat məbləğində istiqraz yerləşdirib.

İstiqrazların yerləşdirilməsindən əldə edilən vəsaitlər adi ipotekanın maliyyələşdirilməsinə ayrılır.

Hesabat dövründə dövlət büdcəsindən sosial ipotekanın maliyyələşdirilməsinə 10 milyon manat ayrılıb. Cari il bu məqsədlərə 40 milyon manat ayırmaq planlaşdırılır.

AİF-in səlahiyyətli banklarının ayırdığı orta məbləğ 39 749 manat, kreditin orta aylıq həcmi 278 manat, faiz dərəcəsi 6,85 faiz, orta aylıq ödəniş 319 manat təşkil edir.

Məqalədə:
Xəbər lenti

Xəbər lenti