Azərbaycan, Bakı, 30 iyul /Trend, müxbir Zülfiyyə Qurbanova/
Azərbaycanda fəaliyyət göstərən Rusiya kapitallı "Nikoil Bank" ASC-nin səhmdarlarının strukturundakı dəyişiklik nəticəsində onların sayı azalıb. Bu barədə Trend bankın rəsmi saytına istinadən məlumat verir.
Belə ki, ötən gün bankın səhmdarlarının sayı 4-dən 3-dək azalıb. "Uralsib-İnvest" MMC "Nikoil Bank" ASC-nin səhmdarlarının tərkibindən çıxıb. Səhmlərin 9,05 faizi MMC-yə məxsus idi.
Beləliklə, hazırda "Nikoil Bank"ın kapitalında iştirak payı üç səhmdar arasında bölüşdürülüb: "Topaz İnvestments" QSC - 56,38 faiz, "НИКОЙЛ" QSC - 42,62 faiz və "ISR Holding" MMC - 1 faiz.
2014-cü il iyulun 1-nə olan vəziyyətə görə, bankın nizamnamə kapitalı 34,5 milyon manat, ümumi kapitalı isə 58,43 milyon manatdır.
