Bakı. Trend:
İyul ayında BTC kəməri ilə 2,5 milyon ton Azərbaycan nefti nəql olunub.
Trend SOCAR-ın saytına istinadən xəbər verir ki, 2016-cı ilin iyul ayı ərzində BTC əsas ixrac boru kəməri vasitəsilə 2,5 milyon ton Azərbaycan nefti nəql olunub.
Cari ilin yanvar-iyul aylarında bu kəmərlə 17,7 milyon ton neft ötürülüb. Ümumiyyətlə, kəmər istifadəyə verilən gündən 2016-cı il avqust ayının 1-ə qədər BTC-yə 369,9 milyon ton neft vurulub.
Bundan başqa, 2016-cı ilin iyul ayında BTC kəməri ilə 430 min 110 ton Türkmənistan nefti nəql olunub.