Bakı. İlkin Şəfiyev - Trend:
"PAŞA Bank" uzunmüddətli kreditlər və depozitlər üzrə faiz dərəcələrini aşağı salıb.
Trend-in məlumatına görə, bunu mətbuat konfransında bankın İdarə heyətinin sədri Taleh Kazımov deyib.
O qeyd edib ki, bu, Azərbaycan Mərkəzi Bankının uçot dərəcəsini azaltması (uçot dərəcəsi 13-dən 11 faizə endirilib) sayəsində mümkün olub:
"Əgər 2017-ci ilin kreditlər üzrə faiz dərəcələri 18-20 faiz idisə, hazırda 14-16 faiz təşkil edir. Depozitlər üzrə faiz dərəcələri isə 12-dən 7-8 faizə azaldılıb".
T.Kazımov bildirib ki, dərəcələrin aşağı salınmasının digər səbəbi nağdsız əməliyyatların həcminin artması olub.
Xatırladaq ki, "PAŞA Bank" Azərbaycanda 2007-ci ildən fəaliyyət göstərir.