Bakı. Trend:
“AzerGold” QSC Bakının 12 müxtəlif məntəqəsində 999,9 əyarlı 5, 10 və 20 qram yüksək keyfiyyətli külçələr və sikkələr satır.
Trend-in məlumatına görə, bunu “AzerGold”un İdarə heyətinin sədri Zakir İbrahimov “Azərbaycanda zərgərlik bazarının inkişaf perspektivləri: problemlər və imkanlar” adlı konfransda deyib.
Onun sözlərinə görə, üzərində Heydər Əliyev Mərkəzi, Qobustan və Qarabağ xalçasının ornamenti əks olunan məhsulların satışı, həmçinin onlayn həyata keçirilir.
Z.İbrahimov bildirib ki, layihənin əsas məqsədi ilk növbədə yerli istehsalın dəstəklənməsi və “Made in Azerbaijan” brendinin təşviq olunmasıdır:
“Bizim məhsulumuz müvafiq keyfiyyət sertifikatı ilə təmin olunur və bu, alıcıların hüquqlarının etibarlı zəmanəti qismində çıxış edir”.