Dövlət Gömrük Komitəsi (DGK) Ümumdünya gömrük təşkilatının Avropa regionu dövlətlərinin gömrük xidməti rəhbərlərinin növbəti üçüncü iclasının təşkili ilə bağlı tədbirlər həyata keçirir. DGK-də Trend ə bildirilib ki, 2-3 fevralda Bakıda keçiriləcək tədbirdə Avropanın 40-dan çox ölkəsindən nümayəndə heyətlərinin iştirakı gözlənilir.
DGK-də həm də qeyd olunub ki, iclasa hazırlıq tədbirləri ilə bağlı işlər üç işçi qrup- Azərbaycan DGK, Macarıstanın gömrük xidməti və Ümumdünya Gömrük Təşkilatı tərəfindən həyata keçirilib.
Hazırlıq işləri çərçivəsində DGK-nın Xarici Əlaqələr İdarəsinin rəisi Dilavər Fərzəliyevin rəhbərlik etdiyi nümayəndə heyəti dekabrın sonunda Budapeştdə olub. Görüşdə qeyd olunub ki, artıq Avropa ölkələrinin əksəriyyəti, o cümlədən 6 beynəlxalq təşkilat iclasda öz iştirakını təsdiq edib.
