Fevralın 28-nə kimi AGLeasing şirkətinin təsisçiləri 1 mln. AZN qədər artırılması planlaşdırılan şirkətin nizamnamə fondunda (NF) paylarının .lçüsünü müəyyən etməlidirlər. Bu barədə Trend ə şirkətin baş direktoru Azər Məmmədov məlumat verib. Bundan sonra onlar öh qərarlarını dəyişə bilməyəcəklər. Çünki martın 31-nə kimi şirkətin NF formalaşacaq.
İlkin məlumatlara görə, şirkətin kapitalı Azəriqazbankın və İngiltərənin Hiperion Capital Management şirkətinin hesabına artacaq. Bu zaman yerdə qalan iki digər təsisçi - İngiltərənin Milio Leasing Limited firması və Amerikanın Delta Trans LLC əvvəlki səviyyədə saxlanılacaq.
Şirkət 2005-ci ildə yaradılarkən onun nizamnamə kapitalı 600 min AZN (3 mlrd. manat) səviyyəsində idi. Həmin vəsait 4 təsisçi arasında bərabər paya (hər biri 25% olmaqla) bölünmüşdü. Hazırda onlardan hər biri 150 min AZN dəyərində 150 səhmə malikdirlər.
