Dövlət əmlakının idarə olunması üzrə Dövlət Komitəsi ölkə hökuməti məsləhətçisinin "Azərcell" birgə müəssisəsinin Nizamnamə Kapitalında dövlət payının özəlləşdirilməsi üzrə hesabatın qiymətləndirilməsini aparır. Trend in verdiyi məlumata görə, bu barədə jurnalistlərə Dövlət Komitəsinin sədri Kərəm Həsənov məlumat verib.
BM-də dövlət payının qiymətləndirilməsi üzrə konsultativ xidmətləri CA IB Corporate Finance Beratungs Ges.m.b.H və OMNI şirkətləri konsorsiumu göstərir. "Ölkə üçün strateji əhəmiyyətə malik olduğundan bu itstiqamətdə işlər çox ehtiyatla aparılır", -deyə K.Həsənov bildirib.
Özəlləşdirmə prezidentin 2001-ci il 29 mart tarixli "Rabitə Nazirliyinin müəssisə və obyektlərinin özəlləşdirilməsi haqqında" sərəncamına müvafiq olaraq həyata keçirilir.
BM-nin özəlləşdirilməsi şərtlərinə görə, ilk növbədə, dövlət payı xarici təsisçiyə təklif olunur.
Azərbaycanda cəmi dövlət payının satılacağı 74 BM satılacaq. Onlardan özəlləşdirmə prosesinin başladığı andan 27 müəssisə özəlləşdirmə üçün açıq elan edilib. Bu gün onlardan yalnız 6 BM-nin dövlət payı satılıb, digərləri üzrə isə iş gedir.