Dövlət Statistika Komitəsi milli hesabların tərtibində sahələrarası balansın təkmilləşdirilməsinə yardım göstərmək məqsədilə Beynəlxalq Valyuta Fonduna sorğu göndərmək niyyətindədir. Bu barədə Trend ə komitənin sədri Arif Vəliyev məlumat verib. Fondun eksperti deyib ki, hər bir məhsulun istehsalı üçün xərclərin hesablanmasına yardım göstərəcək ki, bu da xərclərin nizamlanmasına zərurət yarandığı halda onun dəyərinə təsir göstərə bilər. Bu gün Dövlət Komitəsi inflyasiyanı 585 mal və xidmətlərdən formalaşan istehlak səbəti əsasında hesablayır. Komitə bu metodologiyaya ötən ilin ortalarından keçib.
Bununla əlaqədar, Komitənin sədri İstehlak Qiymətləri İndeksinin (İQİ) hesablanması metodologiyasının təkmilləşdirilməsinə ehtiyac görmür. Onun sözlərinə görə, yaxın gələcəkdə İQİ-nin hesablanmasının 3-cü metoduna keçməyi planlaşdırır. A.Vəliyevin sözlərinə görə, bu çox mürəkkəb sistemdir və çox vaxt tələb edir.
"Biz BVF-dan beynəlxal standartlar əsasında aparılan İQİ hesablanmasının qüvvədə olan metodologiyasını qiymətləndirməyi xahiş etmişik", - deyə DSK-nin rəhbəri bildirib. BVF mal dövriyyəsi əsasında hesablamalar aparmağı tövsiyyə edir. Bu zaman Komitənin mütəxəssisləri ölkədə əhalinin sayına görə hesablamalara əsaslanırlar. İstənilən halda, hesablamanın bu üsulları arasında cüzi fərq (0,1-0,2% arasında) əldə olunur. Valyuta Fondu həmçinin, bütün mal dövriyyəsinin 50% -i Bakıda həyata keçirilir. Lakin A.Vəliyev hesab edir ki, paytaxtdan kənarda yaşayan əhalinin heç də hamısı ərzaq məhsullarına pul xərcləmir. Digər tərəfdən, İQİ-nin hesablanmasının belə üsulu Azərbaycan üçün sərfəli deyil, çünki inflyasiya hesablanarkən yalnız əhali tərəfindən əldə olunan mallar nəzərə alınır. Bakıda kompüterlər, maşınlar, mebellər və s. alan böyük sayda müəssisə və təşkilatların olması ilə bağlı mal dövriyyəsi regionlara nisbətən böyükdür.
A.Vəliyev bu ilin ilk üç ayı ərzində qiymət artımı nəticələrinin təsdiqlədiyi kimi 2006-cı ilin sonlarına kimi inflyasiyanın səviyyəsinin ötən ilki (9,6%) səviyyəni ötməyəcəyini güman edir.
