Dövlət Standartlaşdırma, Patent və Metrologiya üzrə agentlik Azərbaycanın tikinti materialları obyektlərində növbəti dəfə yoxlamalar aparacaq. Trend in xəbər verdiyi kimi, bu barədə Dövlət Agentliyinin rəhbəri Ramiz Həsənov məlumat verib.
"Nazirlər Kabinetinin sərəncamına əsasən, məcburi sertifikatlaşdırılması nəzərdə tutulan mallara tərəfimizdən nəzarət olunacaq", - deyə o qeyd edib. R.Həsənovun sözlərinə görə, indiyədək agentlik böyük sayda patent (o cümlədən xarici) verib. Bütövlükdə, agentliyin fəaliyyətinə gəlincə, o bildirib ki, əvvəllər strukturun işində müəyyən nöqsanlar var idi, nəzarət lazımi səviyyədə həyata keçirilmirdi.
